പ്രണോയും സമീറും രണ്ടാം റൗണ്ടിൽ

നാൻജിങ്: ലോക ബാഡ്മിന്റൺ ചാമ്പ്യൻഷിപ്പിൽ ഇന്ത്യയുടെ മലയാളി താരം എച്ച്.എസ്. പ്രണോയ്ക്കും സമീർ വർമയ്ക്കും വിജയത്തുടക്കം. പുരുഷ വിഭാഗത്തിൽ ഇരുവരും രണ്ടാം റൗണ്ടിൽ പ്രവേശിച്ചു. പുരുഷന്മാരുടെ സിംഗിൾസിൽ പ്രണോയ് ന്യൂസീലൻഡിന്റെ അഭിനവ് മനോട്ടയെ ഏകപക്ഷീയമായ ഗെയിമുകൾക്കാണ് തോൽപിച്ചത്. സ്കോർ: 21-12, 21-11. സമീർ വർമ ഫ്രാൻസിന്റെ ലൂക്കാസ് കൊർവീയെ നേരിട്ടുള്ള ഗെയിമുകൾക്കാണ് പരാജയപ്പെടുത്തിയത്. സ്കോർ: 21-13, 21-10. മിക്സഡ് ഡബിൾസിൽ സാത്വിക് സായ്രാജ്റാങ്കി റെഡ്ഡി-അശ്വിനി പൊന്നപ്പ സഖ്യം ഡെൻമാർക്കിന്റെനിക്കോളസ് നോർ-സാറ ത്യാഗെസെൻ സഖ്യത്തെയാണ് തോൽപിച്ചത്. സ്കോർ: 21-9, 22-20. രണ്ടാം റൗണ്ടിൽ മുൻ ലോകചാമ്പ്യൻ ലിൻ ഡാനാണ് സമീറിന്റെ എതിരാളി. രണ്ടാം റൗണ്ടിൽ പ്രണോയ് ബ്രസീലിന്റെ ഗോൾ കോയ്​ലോയെ നേരിടും. വനിതാ വിഭാഗത്തിൽ ഇന്ത്യയുടെ പ്രതീക്ഷകളായ സൈന നേവാളിനും പി.വി.സിന്ധുവിനും രണ്ടാം റൗണ്ടിലേയ്ക്ക് ബൈ ലഭിച്ചിട്ടുണ്ട്. മൂന്നാം സീഡായ സിന്ധു രണ്ടാം റൗണ്ടിൽ ഇൻഡൊനീഷ്യയുടെ ഫിറ്റ്റിയാനിയെയും പത്താം സീഡായ സൈന തുർക്കിയുടെ അലിയെ ഡെമിർബാഗിനെയും നേരിടും. Content Highlights:World BadmintonChampionship Prannoy Sameer Saina Sindhu

from mathrubhumi.latestnews.rssfeed https://ift.tt/2LLiqoc
via IFTTT