പ്രളയസമയത്ത് മന്ത്രി രാജു വിദേശത്ത് പോയത് ശരിയായില്ല: കാനം

തിരുവനന്തപുരം: പ്രളയക്കെടുതിയുടെ സമയത്ത് മന്ത്രി കെ. രാജു വിദേശത്ത് പോയത് ശരിയായില്ലെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ. മന്ത്രിക്കെതിരെ നടപടി എടുക്കണമോയെന്ന് പാർട്ടി ചർച്ച ചെയ്ത് തീരുമാനിക്കും. പാർട്ടി ആവശ്യപ്പെട്ടതിനെ തുടർന്ന് കെ. രാജു തിങ്കളാഴ്ച എത്തുമെന്നും കാനം രാജേന്ദ്രൻ പറഞ്ഞു. വിദേശയാത്രയുമായി ബന്ധപ്പെട്ട വിഷയത്തിൽ വിവാദത്തിന്റെ ആവശ്യമില്ലെന്നും കാനം വ്യക്തമാക്കി. മന്ത്രി കെ. രാജുവിനെതിരെ നടപടിയുണ്ടാകുമെന്ന കാര്യത്തിൽ പാർട്ടി ഇതുവരെ തീരുമാനമെടുത്തിട്ടില്ല. ജർമനിക്ക് പോയ കെ രാജു പാർട്ടി നിർദ്ദേശപ്രകാരം തിരിച്ചെത്തിയതിന് ശേഷം ഇക്കാര്യത്തിൽ തീരുമാനമുണ്ടാകും. ഇത് പാർട്ടിയുടെ ആഭ്യന്തര പ്രശ്നമാണ്. അത് പുറത്തുപറയേണ്ട കാര്യമില്ലെന്നും കാനം വ്യക്തമാക്കി.പ്രളയക്കെടുതി നേരിടുന്നതിന് കോട്ടയം ജില്ലയുടെ ചുമതലയുള്ള മന്ത്രിയായിരുന്നു കെ. രാജു ഓഗസ്റ്റ് 16 നാണ് കേരളം ശക്തമായ മഴക്കെടുതി അനുഭവിക്കുമ്പോൾ മന്ത്രി ജർമനിയിലേക്ക് പോയത്. മൂന്ന് ദിവസത്തെ സന്ദർശനത്തിന് പുറമെ 22 ന് മലയാളി സംഘടനയുടെ ഓണാഘോഷത്തിൽ കൂടി പങ്കെടുക്കാനായിരുന്നു കെ. രാജുവിന്റെ ജർമനി യാത്ര. ജർമൻ യാത്ര വിവാദമായതിന് പിന്നാലെ മന്ത്രിയോട് തിരികെ വരാൻ സിപിഐ ആവശ്യപ്പെടുകയായിരുന്നു.

from mathrubhumi.latestnews.rssfeed https://ift.tt/2wcgcV3
via IFTTT